" ထမင်းကြော် "

ဟိုတစ်ရက်ကတော့ ဟင်းတွေ မစားချင်တာနဲ့ နှစ်ယောက်သား ထမင်းကြော် ကြော်စားကြတာ။

ထမင်းချက်ထားတာကို အအေးခံပြီး ဆား၊ အချိုမှုန့်နဲ့ နယ်ထားတယ်။ ၀က်သားကို ခပ်သေးသေးတုံးပြီး အိုးထဲမှာ ရေလေးနဲ့ ပြုတ်လိုက်တယ်။ ဒယ်အိုးထဲမှာ ဆီထည့်ပြီး ကြက်ဥကို ကြော်တယ်။ ပြီး ရင် ကြက်ဥမွှေကြော်ကို ပန်းကန်နဲ့ ခပ်ထားလိုက်တယ်။ ဒယ်အိုးထဲမှာ ကြက်သွန်နီဆီသတ်၊ ပြီးရင် ပြုတ်ထားတဲ့ ၀က်သားလေးတွေ ထည့်ကြော်တယ်။ မုန်လာဥနီ၊ ပြောင်းဖူးနဲ့ ပဲသီး လှီးထားတာ ထည့်ကြော်တယ်။ အသီးအရွက်ရရင် ထမင်းထည့်ကြော်တယ်။ ဆား အနည်းငယ်၊ အချိုမှုန့်အနည်းငယ်နဲ့ ခရုဆီထည့်ပါတယ်။ အပေါ့အငံမြည်း အနေတော်ဆို ကြက်ဥမွှေကြော်တွေပါ ထည့်ရောမွှေကြော်ပါတယ်။ ဒါဆို ထမင်းကြော် ရပါပြီ။

" ခရုအစပ်ချက် "

ခရုဟင်းစားချင်တာနဲ့ Sheng Siong ကနေ ခရုတွေ ၀ယ်ခဲ့တယ်။ ရေစိမ်ပြီး ရောင်းတဲ့ အရှင်တွေတော့ မ၀ယ်ရဲဘူး။ ဗူးတွေနဲ့ထည့်ပြီး ရေခဲထားတဲ့ သေပြီးသားတွေပဲ ၀ယ်ခဲ့တယ်။

ခရုလေးတွေကို ရေနဲ့ စင်စင်ဆေးပြီး အိုးတစ်လုံးမှာထည့် ပြုတ်ပါတယ်။ ဆူပွက်လာရင် အမြှုပ်လေးတွေ ထပ်ထုတ်ပေးပြီး ပွက်ပွက်ဆူတဲ့ အထိတည်ပေးပါတယ်။ ခရုရပြီဆို အိုးထဲကနေ ဆယ်ပြီး ရေစစ်ထားလိုက်တယ်။ ကြက်သွန်အဖြူနဲ့ အနီကို လှီးပြီး နှုတ်နှုတ်စင်းထားတယ်။ ငရုတ်သီးစိမ်းကို ပါးပါးလှီး၊ ပင်စိမ်းရွက်လေးတွေ ရေဆေးထားတယ်။ မီးဖိုပေါ်ဆီအိုးတင်၊ ဆီပူရင် ကြက်သွန်ဖြူနီထည့်၊ အရောင်တင်မှုန့်ထည့်ပြီး ဆီသတ်တယ်။ ကြက်သွန်ကျက်ပြီး မွှေးလာရင် ခရုထည့်၊ ငံပြာရည်နဲ့ အချိုမှုန့် ထည့်လုံးတယ်။ ရေနွေးလေးနည်းနည်း ထည့်ပြီး တည်ပေးတယ်။ ရေခန်းပြီး ဆီပြန်ရင် ငရုတ်သီးစိမ်းထည့်၊ ပင်စိမ်းထည့်ပြီး မီးပိတ်လိုက်တယ်။ ဒါဆို ခရုအစပ်ချက်လေးရပြီ။

 

" ငါးခူကြော်ချက်နှင့် ငါးတန်ဆီပြန် "

လွန်ခဲ့တဲ့ တစ်ပတ်လောက်က ချက်စားဖြစ်တဲ့ ဟင်းလေးတွေပါ။ ကျွန်မတို့ လင်မယား ငါးဟင်း ဓါတ်ကျနေလို့ပါ။ Sheng Siong မှာ ငါးခူတွေ၊ ငါးတန်တွေ တွေ့တာနဲ့ ၀ယ်ချက်စားဖြစ်တာ။ ပင်လယ်ငါးမျိုးတွေဆိုတော့ ကျွန်မတို့ဆီက ရေချို ငါးတွေလောက် မချိုပေမယ့် အနံ့ မညှီတော့ စားလို့ ဖြစ်ပါတယ်။

ငါးခူကို အညှိအချွဲတွေစင်သွားအောင် မကျီးသီး၊ ဆားတို့နဲ့ တိုက်ဆေးပြီး ဆား၊ ဆနွင်း၊ အချိုမှုန့်နယ်ပါတယ်။ ပြီးတော့ ဆီပူပူမှာ မကျက်တကျက်လေး ကြော်လိုက်တယ်။ ကြက်သွန်ဖြူနီ ထောင်းထားတာကို ဆီသတ်ပါတယ်။ ကြက်သွန်ကျက်ရင် ခရမ်းချဉ်သီးနဲ့ ငါးပိစိမ်းစားလေး နည်းနည်းထည့်ပြီး ဆီသတ်တယ်။ ခရမ်းချဉ်သီးလေး လိပ်သွားရင် ငါးကြော်ထည့်၊ ငံပြာရည်၊ အချိုမှုန့်လေးထည့် လုံးပါတယ်။ ရေနွေး အနည်းငယ် ထည့်ပြီး ငါးကျက်ပြီး ဆီပြန်အောင် တည်ပါတယ်။ ဆီပြန်ပြီး အရသာနေတော်ဆို နံနံပင်လေး အုပ်ပြီး မီးပိတ်ပါတယ်။ ဒါဆို ငါးခူကြော်ချက်လေး ရပြီပေါ့။

ဘရိုကိုလီကြော်လေးနဲ့ စားတယ်။

ဒါက ငါးတန်ကိုချက်တာ။ ငါးခူချက်သလိုပဲ ချက်တာပါ။ ငါးတန်ကိုတော့ မကြော်ဘဲ ဒီအတိုင်းချက်ပါတယ်။